Rape

Jammu  Kashmir ke kathua mein naabaalig bachchee se gangarape ka maamala abhee shaant bhee nahin hua tha ki gujaraat ke Surat se ek aisa hee dil dahala dene vaala maamala saamane aaya hai. Surat mein ek 11 saal kee bachchee ka shav baraamad hua hai. usake shareer par chot ke 100 ke kareeb (86) nishaan mile hain. samaachaar Agency ANI ke havaale se khabar hai ki bachchee ke praivet paart mein bhee chot ke nishaan hain, jisase rape kee aashanka se inakaar nahin kiya ja sakata hai.

bachchee ke shareer par pae gae chot ke nishaan se yah anumaan lagaaya ja raha hai ki use kam se kam 7 din tak torchar kiya gaya hoga. sampal ko forensic  jaanch ke lie lie bhej diya gaya hai. jaanch report aane ke baad hee yah tay ho paega ki bachchee ka yaun utpeedan kiya gaya hai ya nahin. bachchee ke shareer par mile chot ke jyaadaatar nishaan lakadee ke dande ke hain. Surat sivil aspataal ke phorensik hed ne kaha ki bachchee ko aakhirakar gala ghontakar maara gaya hai. Surat sivil aspataal ke phorensik hed ganesh govekar ne kaha ki postamormat report ke dauraan hamane paaya ki shareer par jo chot ke nishaan hain vah ek se saat din puraane hain. unhonne kaha ki bachchee ke shareer par 86 chot ke nishaan hain.
Note : SSP RETURNS TO SARGORE’S SURRENDER, SAYS- I AM INNOCENT

bata den ki Surat ke bhestaan ilaake mein ek graund mein 6 aprail ko police ko 11 saal kee bachchee ka shav mila tha, jisakee ab tak pahachaan nahin huee hai. bachchee ke shav kee ab tak shinaakht nahin ho sakee hai. police adhikaaree kebee jhaala ne bataaya ki bachchee ne 6 april kee subah morning vok ke dauraan bachchee ka shav dekha tha aur isake baad unhonne police ko isakee khabar dee thee.

gauratalab hai ki ek din pahale hee kathua aur un‍naav mein huee rape kee vaaradaaton par pradhaanamantree narendr modi ne bhee apanee chup‍pee todee thee. PM Modi ne Tweet kar kaha hai tha ki aisee ghatanaen sharmasaar karatee hain aur betiyo ko insaafh milega. peeemo india ke tweet ke anusaar PM Modi ne kaha, jis tarah kee ghatanaen hamane beete dino mein dekheen hain, vo saamaajik nyaay kee avadhaarana ko chunautee detee hain. pichhale 2 dinon se jo ghatanae charcha mein hain vo nishchit roop se kisee bhee sabhy samaaj ke liye sharmanaak hain. ek samaaj ke roop mein, ek desh ke roop mein ham sab isake lie sharmasaar hain.

tippaniyaan pradhaanamantree aage likhate hain, desh ke kisee bhee raajy mein, kisee bhee kshetr mein hone vaalee aisee vaaradaaten, hamaaree maanaveey sanvedanaon ko jhakajhor detee hain. main desh ko vishvaas dilaana chaahata hoon ki koee aparaadhee bachega nahin, nyaay hoga aur poora hoga. hamaare samaaj kee is aantarik buraee ko khatm karane ka kaam, ham sabhee ko milakar karana hoga.

LEAVE A REPLY

Please enter your comment!
Please enter your name here