delhi

laajapat nagar sthit amar kolonee kapada maarket mein dillee kee ab tak kee sabase badee seeling kee kaarravaee kee gaee hai. yahaan kareeb 700 mein se saadhe paanch sau se jyaada dukaanon ko seel kar diya gaya aur jo dukaanen bachee hain, un par bhee seeling kee talavaar latak rahee hai. vaheen pyaapaariyon se milane pahunche dillee ke mukhyamantree aravind kejareevaal ko kaarobaariyon ke gusse ka saamana karana pada.

aisa pahalee baar hua hai jab dillee ka ek baajaar pooree tarah se seel kar diya gaya ho. seeling ke dauraan dukaanadaaron aur pulis bal ke beech jabaradast jhadap huee. dukaanadaaron aur kaamagaaron ke virodh ko dekhate hue pulis bal ka prayog karana pada jisamen kaee dukaanadaaron ko gambheer choten bhee aaee hain. is jhadap mein mahilaon ko bhee peeta gaya jisase vyapaariyon ka gussa aur bhee badh gaya hai.

aakroshit vyaapaariyon ko shaant karane ke lie ab raajaneetik paartiyon ne ek doosare ke khilaaph morcha khol diya hai. jhadap ke doosare din dillee ke mukhyamantree kejareevaal dukaanadaaron se milane amar kolonee maarket pahunche, jahaan unhen unake gusse ka saamana karana pada. vyaapaariyon ko mukhyamantree ke aashvaasan kaaphee nahin lage aur unhonne apanee dukaanon ko jald khulavaane kee maang kee. mukhyamantree kejareevaal ne pradhaanamantree ko patr likhane kee baat kahee aur saath hee ye bhee kaha ki agar seeling nahin rukatee hai to vah 31 maarch se khud dharane par baith jaenge.

ilaake ke kaangresee paarshad abhishek datt ne mukhyamantree se seedhe savaal kie jisake javaab mein vah jyaada kuchh nahin bole aur vyapaariyon ko aashvaasan dekar chale gae. maarket esosieshan ke adhyaksh vijay jee ka kahana hai, ye seeling pooree tarah naajaayaz hai. aur mukhyamantree se hamen ab koee ummeed nahin hai. hamen sabhee dukaanen vaapas chaahie aur isake lie ham har ladaee ke lie taiyaar hain.

dillee beejepee ke adhyaksh manoj tivaaree shukravaar ko amar kolonee maarket mein huee seeling ke dauraan pulis jhadap mein ghaayal vyaapaariyon se milane aspataal pahunche. unhonne is mauke par aajatak se kaha, ye jo bhee hua vah theek nahin hai. mainne pulis se bhee baat kee hai. isakee jaanch honee chaahie kyonki peetane vaale vyaapaariyon kee mansha theek nahee thee.

mukhyamantree kejareevaal ke amar kolonee pahunchane par manoj tivaaree ne kaha, ye jo bhee ho raha hai, usakee jimmedaaree le kar unhen isteepha de dena chaahie. teen saalon mein aravind jee ko vyaapaariyon kee samasyaon ko hal kar dena chaahie tha, vah sivaay raajaneeti ke aur kuchh nahin kar rahe.

seeling ke mudde par unaka kahana hai ki mangalavaar tak vah kort mein ek thos ephidevit pesh karenge jisase maastaraplaan mein sanshodhan kee jaroorat ko kort ke samaksh rakh sake. aur is mudde ka jald hal nikaalenge.

LEAVE A REPLY

Please enter your comment!
Please enter your name here